2020-yil Tokio(Yaponiya) da bo’lib o’tadigan XXXII yozgi olimpia va XVI paralimpiya o’yinlariga tayyorgarlik doirasida joriy yilning 26-fevral kuni ta’lim seminari o’tkazildi  27.02.2019 11:06

O’zbekiston Respublikasi Vazirlar Mahkamasi Huzuridagi Milliy Antidoping Agentligi tashabbusi bilan, Milliy Olimpia Qo’mitasi bilan hamkorlikda joriy yilning 26-fevral kuni, 2020-yil Tokio(Yaponiya) da bo’lib o’tadigan XXXII yozgi olimpia va XVI paralimpiya o’yinlariga tayyorgarlik doirasida, sportchilar – O’zbekiston terma jamoasi a’zolari, murabbiylar, sport shifokorlari va boshqa sportchilarga hizmat ko’rsatuvchi hodimlar, sport klublari hodimlari, sport federatsiyalari (assotsiatsiyalari) rahbarlari va menejerlari, Milliy Olimpia Qo’mitasi ma’sul hodimlari, jami 240 kishi ishtirokida ta’lim seminari bo’lib o’tdi.

Seminar davomida Kanada, Yaponiya va Qozog’istondan tashrif buyurgan xalqaro  mutahassislar o’z dokladlari bilan ishtirok etishdi.

Seminar moderatori: Nodirjon Tursunov – UzNADA bosh direktori

Lektorlar:

1. Francisko Leon – ta’lim dasturlari bo’yicha mutahassis, Umumjahon antidoping tashkiloti menejeri (Kanada);
2. Kyu Hwan Li – ta’lim dasturlari bo’yicha mutahassis, Umumjahon antidoping tashkiloti Osiyo-Tinchokeani regioni menejeri, ekspert(Yaponiya);
3. Mayra Bakasheva – Umumjahon antidoping tashkiloti eksperti, Qozog’iston Milliy Antidoping agentligi bosh direktori;
4. Nodirjon Tursunov – UZNADA bosh direktori, Markaziy Osiyo antidoping tashkiloti, mahalliy ijroiya qo’mitasi a’zosi (O’zbekiston);

Seminar davomida sportchilarning huquq va majburiyatlari doir dolzarb savollar yoritildi; 2018-yil Osiyo o’yinlaridagi antidoping qoidalari buzilish holatlari ko’rib chiqildi;

Seminar ishtirokchilari o’zlarini qiziqtirgan barcha savollarga javob olishdi.