27-28-fevral kunlari monitoring rejasiga muvofiq WADA ekspertlaridan iborat ishchi guruh tashrif buyurdi  02.03.2019 14:54

27-28- fevral kunlari Butunjahon antidoping agentligi rejasiga muvofiq, O’zbekistonga YUNESKOning sportda dopingga qarshi kurash xalqaro konvensiyasi doirasida, Fransizko Leon boshchiligida (WADAning ta’lim dasturlari  bo’yicha menejeri) va Kyu Xvan Li (WADAning Osiyo-Tinch okeaniya davlatlari ofisi menejeri), Mayra Bakasheva (Markaziy Osiyo mintaqaviy antidoping tashkiloti direktori)lardan iborat ishchi guruh tashrif buyurdi.

Ekspertlar agentlikning 2018-yilgi ishini o’rganib chiqishdi va erishilgan yutuqlar bilan tanishib chiqishdi. Shu bilan birga 2019-yil rejalari bilan tanishib chiqishdi. Tashkilot ofisi va hodimlar tarkibini o’rganib chiqishdi. Uchrashuv davomida, mamlakatning regional o’ziga xosliklari, erishilgan natijalar va aniqlangan qoida buzilishlarini hisobga olgan holda, agentlik faoliyaning ko’proq e’tiborga molik jihatlari o’rganildi. O’zbekiston sport sohasida erishgan yutuqlari borasida eng yuqori 30talik ro’yxatga kirishi takidlab o’tildi va shunga muvofiq ravishda dopingdan holi “halol” va “toza” sportni targ’ib qilish chora tadbirlariga ko’proq urg’u berildi.

Sportni dopingdan holi tarzda tashkil qilish faqatgina Milliy antidoping agentligini emas balki, boshqa davlat tashkilotlari – Milliy Olimpiya Qo’mitasi, sport federatsiyalari, sport jamoalari va klublarning faoliyati bilan ham uzviy bo’g’liqligini ta’kidlab o’tildi.

Antidoping dasturini amalga tadbiq qilish sezilarli investitsiya talab qilishini hisobga olgan holda, sog’lom turmush tarzini qo’llab quvvatlovchi boshqa nodavlat moliyaviy tashkilotlar, yirik biznez tashkilotlari bilan hamkorlik qilish maqsadga muvofiqdir.

Tekshiruv natijalariga ko’ra ekspertlar UzNADAning kelajakdagi faoliyati bo’yicha o’z taklif va mulohazalarini bildirishdi.